അദ്ദിക്ർ

4: 135; 5: 8; 57: 25 തുടങ്ങി 17 സൂക്തങ്ങളില്‍ പരാമര്‍ശിച്ച 'നീതികൊണ്ടും', 6: 19; 11: 7 തുടങ്ങി 4 സ്ഥലങ്ങളില്‍ പരാമര്‍ശിച്ച 'സാക്ഷി' കൊണ്ടും ഉദ്ദേശിക്കുന്നത് അദ്ദിക്റാണ്. അപ്പോള്‍ ആരാണോ അദ്ദിക്റിനെ മുറുകെപ്പിടിച്ചത്, അവന്‍ 3: 101 ല്‍ പറഞ്ഞ പ്രകാരം സാക്ഷിയായ നാഥനെ മുറുകെപ്പിടിച്ച് നേരെച്ചൊവ്വെയുള്ള പാതയിലായിക്കഴിഞ്ഞു. ആദ്യ പ്രവാചകന്‍ നൂഹ് മുതല്‍ അന്ത്യ പ്രവാചകന്‍ മുഹമ്മദ് വരെയുള്ള 313 പ്രവാചകന്മാര്‍ക്കും അവതരിപ്പിച്ചിട്ടുള്ളത് അദ്ദിക്ര്‍ ആണെന്ന് 4: 163; 16: 43-44; 21: 24; 41: 43 തുടങ്ങിയ സൂ ക്തങ്ങളിലെല്ലാം പറഞ്ഞിട്ടുണ്ട്. ഇതിന് മുമ്പ് ജ്ഞാനം നല്‍കപ്പെട്ടവര്‍ സത്യമായ അദ്ദി ക്ര്‍ അവരുടെ മേല്‍ വിശദീകരിച്ച് കൊടുക്കപ്പെട്ടാല്‍ അവര്‍ വിനീതരായി മുഖം കുത്തി സാഷ്ടാംഗ പ്രണാമത്തില്‍ വീഴുന്നതാണെന്ന് 17: 107 ല്‍ പറഞ്ഞിട്ടുണ്ട്. 7: 52; 22: 3, 8; 28: 57; 34: 28, 36; 40: 57 തുടങ്ങി 62 സൂക്തങ്ങളില്‍ പറഞ്ഞ 'ജ്ഞാനം' അദ്ദിക്റിന്‍റെ 40 പേരുകളില്‍ ഒന്നാണ്. നാഥന്‍റെ അടിമകളില്‍ ജ്ഞാനമായ അദ്ദിക്ര്‍ അറിയുന്നവര്‍ മാത്രമാണ് നാഥനെ ഭയപ്പെടുക എന്ന് 35: 28 ല്‍ പറഞ്ഞിട്ടുണ്ട്. യഥാര്‍ത്ഥ ജ്ഞാനമായ അദ്ദിക്ര്‍ അ റിയാതെ ആരാണോ അല്ലാഹുവിനെക്കുറിച്ച് സംസാരിക്കുന്നത്, അവന്‍ അല്ലാഹുവിന്‍റെ സൂക്തങ്ങളോട് വിരോധം വെച്ച് തര്‍ക്കിക്കുന്ന കാഫിറും അക്രമിയുമാണെന്ന് യഥാക്ര മം 29: 47, 49 സൂക്തങ്ങളില്‍ പറഞ്ഞിട്ടുണ്ട്. 2: 140-145; 58: 22 വിശദീകരണം നോക്കുക.